Nagkagrabeng Kalisud sa Nasud Karon

" Kung magpadayun ni, wa ngyud tay ayo ani." - kini ang banat sa usa ka janitor sa dinhang gipangutana bahin sa iyang kahimtang karon.

Si Joel Ople, usa ka janitor sa Mango Square mall nagpasundayag sa iyang gibati nga kalisud sa kinabuhi karong panahuna. Matod ni Joel, kung naglisud siya ug buhi sa iyang unom ka mga anak niadtong gipaskwela pa niya kini, mas naglisud na hinuon siya karon nga duha nalang sa unom ka mga anak ang iyang gibuhi. Nagpakita lang kini sa kalisud sa panginabuhi karong mahal na ang tanang pamalitun.

Mas nakita ni Joel ang asenso sa Pilipinas katong si Ramos pa ang nagdala sa nasud. Matod usab ni Joel, maski ginagmay ang sweldo sa panahon ni Ramos, barato ra man pud ang pamalitun ikumpara kang presidente Arroyo nga maski sa minimum nga sweldo kuwangan pa kuno igasto sa kinahanglunon sa adlaw-adlaw. Nagpasabot lang nga aduna ngyud dapat buhaton ang gobyerno ni Arroyo aning problema sa kalisud Pilipinas.